PUBLICO.ᴀᴡ

E PLATAFORMA PA DATA GUBERNAMENTAL

Gobierno tin e deber di informa Pueblo activamente tocante su maneho. Publico.aw ta un proyecto piloto di Ministerio di Integridad pa percura pa Transparencia Activo den Gobernacion, dunando Pueblo informacion gubernamental na un forma accesibel y innovativo. Actualmente bo por haya informacion di Ministerio di Transporte, Integridad, Naturalesa y Asunto di Adulto Mayor.

E meta di Ministerio di Integridad ta pa desaroya Publico.aw cu mas tipo di informacion gubernamental, di tur ministerio, na un forma structural. Si bo tin sugerencia of comentario, laga nos sa via e formulario di contacto. Asina nos por considera bo feedback den e desaroyo di e proyecto aki. Hunto nos por haci Publico.aw e sitio principal pa Gobierno di Aruba eherce Transparencia Activo.